သစ္စာမိုးရေ
နှစ်တစ်ရာ လူ့ဘ၀၊ သစ္စာ ရှုကြလို့ပြောပင်ပြောငြား
စိတ်အားက မသန်၊ အမှန်ဆိုတာ ဘာလဲ
တဖွဲဖွဲပျက်နေတာ ဘာတွေတုန်း
မုန်းစရာဆိုတာလဲ ငါမသိ
ရှိရှိသမျှ အသုဘတဲ့၊ ပြောမှ ပြောတတ်ပလေ
စိတ်စေရာပျော်ပါး၊ စိတ်သွားတိုင်း ကိုယ်ပါ
စိတ်ဆာတာ အကုန်လုပ်၊ ကြိုးရှုပ်တဲ့ လူ့ဗာလ
သူ့ဘ၀ နေ၀င်ချိန်နီး
ငရဲမီးတွေ ထိန်ထိန်တောက်လို့
အိုးမှောက်တာ စိုးကြောက်စရာနော်
သစ္စာတရား နာကြားပါရဲ့
ဘာတဲ့တုန်း သဿတ၊ သိသမျှ သူကြွေးကြော်
သူတော်တော် တတ်သပ၊ မှတ်သမျှက ရွှေဈေးငွေဈေး
မေးလိုက်တိုင်း သိသယောင်၊ မှတ်မိအောင် အလွတ်ကျက်
သိတစ်ဝက် မသိတစ်ဝက်နဲ့ပေါ့၊
နှစ်သက်တဲ့ တဏှာ၊ ဖယ်ခွါဖို့ လိုသတဲ့
ဇွဲနဲ့တော့ အားမထုတ်၊ ကြိုးရှုပ်တဲ့ ပုထုဇဉ်
နေ၀င်လျှင်အသင်ဘယ်သွား၊ လားရာက မသေချာ
သုဂတိရွာ၊ ဒုဂ္ဂတိရွာ..
ပစ်ချရာ ခန္ဓာဆောက်ပေါ့
အိုးပေါက်တာလဲ စိုးကြောက်စရာပဲ
ထူထဲတဲ့ အ၀ိဇ္ဇာ၊ တဏှာနဲ့ ခန္ဓာဆောက်
အမှောင်အောက်က မထွက်နိုင်
ဇွဲခိုင်ခိုင် အားထုတ်ပါမှ၊ နီဝရဏ ကင်းစင်ကွာ
မြင်သမျှဟာ ဒုက္ခတွေပဲ၊ အဟုတ်ပ မမြဲ ရှုမြင်ရ
အနိစ္စဆိုတာ ဒါပဲလား၊ တစ်ဖွာဖွား ပျက်နေလိုက်တာ
ဆက်နေပါလို့တောင် တားမရ
အနတ္တ. အနတ္တ..အနတ္တ…
အောက်ခြေက ရေတိုက်စား၊ အဖျားမှာ ရပ်နေတဲ့သူ
ကူမဲ့သူက ရှာမတွေ့၊ သေနေ့ စိတဲ့သူ အလား
အားကိုးရာ ဒီနာမ်ရုပ်က၊ တဖြုတ်ဖြုတ်နဲ့ ကြွေနေပြီ
ဘယ်ဆီကို သွားရပါလိမ့်၊ ကြိတ်မှိတ်ပြီး ဆက်ရှုပြန်
ခပ်မှန်မှန် စိတ်ကိုထား
တရားခေါ်ရာနောက် တစ်ကောက်ကောက်
လျှောက်.လျှောက်..လျှောက်….
ဟော…
လုံလောက်တဲ့ ဉာဏ်အား၊ လွှားကနဲ ပြေးဝင် (နိဗ္ဗာန်)
မသေခင် တဏှာနဲ့ စစ်ခင်း၊ ဗိုလ်တစ်သင်းနဲ့ အနိုင်ယူ (ဗိုလ် ၅ ပါး)
သူလိုလူ ရှာမှရှားတဲ့။
အို..အသင်
သူတော်ကောင်းအပေါင်းတို့…….
မိုးရွာတုန်း အိုးမှောက်သူ
အိုးပေါက်ယူ ရေခံ
ဉာဏ်မပါ သံသရာ ခရီးသွားကြလျှင်ဖြင့်
ကံဆရာ ဖန်တရာ လှည့်စား ခံရပြီကွယ့်
ချဲ့ကားပြီဟဲ့လို့တော့ မထင်စေချင်
မနောဘ၀င် စဉ်မပြတ် အခိုက်ဟာမို့
အဆောတလျင် အရင် မှတ်ထိုက်တာက
မိုးကောင်းတုန်း ရေခံ၊ အိုးကောင်းမှ ရေကျန်မယ်ဆိုတာ
စေတနာရှေ့ထား အသေအချာ မေ့မသွားရအောင်
အကျိုးမျှော်လို့ နှိုးဆော်လိုက်ပါသည်…
သူတော်ကောင်းတို့၏သဘော
နံ့သာတုန်းသည် မီးရှို့သူကို မကျွမ်းမချင်း အနံ့ဖြင့် မွှေးစေ၏။
သူတော်ကောင်းသည် မိမိကို ညှင်းဆဲသော သူကိုသော်လည်း မသေမချင်း အကျိုးဆောင်၏။
"ငြိမ်းချမ်းရေးကဗျာ"
ငါတို.ကမ္ဘာ၊ ဤနေရာကား
တဏှာလောဘ၊ မာန်မာနနှင်.
ဒေါသရမ်းရမ်း၊ လောဘလွှမ်း၏။
လူဘုံဘ၀၊ ဒုလ္လဘ၀ယ်
ကြုံရစဉ်ခိုက်၊ မေတ္တာပိုက်ကာ
ကရုဏာနှင်.၊ ၀မ်းသာစိတ်ပွား
လျစ်လျူထားက...
တို.များလောက၊ ချမ်းသာရလိမ်.။
ကောင်းဆိုးနှစ်တန်၊ လောကဓံဝယ်
ကြံ.ခံစိတ်သွင်း၊ သည်းခံခြင်းဖြင်.
ချစ်ခြင်းကုဋ္ဋေ၊ တည်ပါစေလော.။
ဗုဒ္ဓဟောကြား၊ လေးပါးသစ္စာ
အရိယာကို၊ လျှင်စွာသိမြင်
မဂ္ဂင်မှန်လမ်း၊ ကျင်.ကြံစမ်းလော.။
အနိစ္စ၀တ၊ သင်္ခါရမို.
သူကအစ၊ ငါကအဆုံး
အားလုံးဆင်ခြင်၊ သတိဝင်လော.။
ခင်မင်သမုဒယ၊ သံယောဇနကြောင်.
ဒုက္ခဖြစ်လာ၊ ဤခန္ဓာကို
မှန်စွာမိမိ၊ မြင်အောင်ကြည်.လော.။
အဖုံးအ၀ိဇ္ဖာ၊ သင်ခွါပါမှ
အနတ္တစင်းစင်း၊ မမြဲခြင်းကို
လင်းလင်းပိုင်ပိုင်၊ သိမြင်နိုင်လိမ်.။
ငါးပါးခန္ဒာ၊ ဖေါက်ပြန်စွာကို
သေချာသိရှိ၊ မြင်အောင်ကြည်.ဖို.
ဝိပဿနာ၊ ရှုမှတ်ပါလော.။
ကိုယ်.ကိုယ် ကိုယ်ကြည်.၊ ဆင်ခြင်သိက
ဒိဌသေချာ၊ အဘယ်မှာလျှင်
ရန်စွာစစ်မက်၊ ဖြစ်လိမ်.နည်း။
အချင်းချင်းတွင်၊ ပြစ်မမြင်ပဲ
ချစ်ခင်မေတ္တာ၊ ဗြဟ္မစာရ်ဖြင်.
ကမ္ဘာအ၀ှမ်း၊ လွန်အေးချမ်းလိမ်.။
လူသားအာလုံး၊ စိတ်နှလုံးဝယ်
အပြုံးပန်းတွေ၊ ဝေပါစေကြောင်း
မေတ္တာလောင်းကာ၊....
နည်းကောင်းလမ်းပြ၊ ပြုပါရစေ
ဗုဒ္ဒဒေသနာ၊ ၀ိပဿနာ။ ။
No comments:
Post a Comment